தமிழக அரசு வழங்கும் அப்துல் கலாம் விருதுக்கு தகுதியானவர்கள், வரும் 30ம் தேதிக்கு முன் விண்ணப்பிக்க வேண்டும்.

இது குறித்து, தமிழக உயர்கல்வி துறை வெளியிட்டுள்ள அறிவிப்பு:

விஞ்ஞான வளர்ச்சி, மனிதவியல், மாணவர்கள் நலன் போன்ற துறைகளில் சிறந்து விளங்கும் தமிழகத்தைச் சேர்ந்த நபர் ஒருவருக்கு, ஆண்டுதோறும் அரசின் சார்பில் அப்துல் கலாம் விருது வழங்கப்படும்.

சுதந்திர தின விழாவின் போது, விருதுடன், 5 லட்சம் ரூபாய்க்கான காசோலை, 8 கிராம் தங்கப் பதக்கம் மற்றும் பாராட்டு சான்றிதழ் வழங்கப்படும்.

இந்த விருதுக்கு தகுதியானவர்கள், தங்கள் விபரங்கள் மற்றும் உரிய ஆவணங்களுடன், வரும் 30ம் தேதிக்குள் 'ஆன்லைன்' வழியே விண்ணப்பிக்க வேண்டும். கூடுதல் விபரங்களை, https://awards.tn.gov.in/ என்ற இணையதளத்தில் தெரிந்து கொள்ளலாம்.

இவ்வாறு அதில் கூறப்பட்டுள்ளது.