🌺ஒரு ஊரில் ஒரு செல்வந்தன் இருந்தான். அவன் வியாபார நிமித்தமாக வெளியூர் சென்று திரும்பியபோது, அவனது அழகான பெரிய பண்ணை வீடு தீப்பற்றி எரிந்து கொண்டிருந்தது.
🌺 அந்த ஊரிலேயே மிகவும் அழகான வீடு
அவனுடையது தான்..
🌺 அந்த வீட்டை இரண்டு மடங்கு விலை
கொடுத்து வாங்க பலரும் தயாராக
இருந்தனர். ஆனால் இவன் தான்
விற்கவில்லை.
🌺 இப்போது, அந்த வீடு அவன் கண் முன்னே
எரிந்துகொண்டிருந்தது.
🌺ஆயிரம் நபர்கள் சுற்றி நின்று வேடிக்கை
பார்த்துக் கொண்டிருந்தார்கள். தீ முழுவதுமாக பரவிவிட்டதால் அதை
அணைத்தும் பிரயோஜனம் இல்லை என்று
எந்த முயற்சியும் எடுக்கவில்லை. .
🌺வணிகனோ செய்வதறியாமல் கண்ணில்
நீரோடு புலம்பிகொண்டிருந்தான்.
🌺"ஐயோ என் வீடு..! என் வீடு.."! என்று
அலறினான்.
🌺அப்போது அவனின் மூத்த மகன் ஓடிவந்து,
“தந்தையே ஏன் அழுகிறீர்கள்..? இந்த
வீட்டை நான் நேற்றே மூன்று மடங்கு
லாபத்திற்கு விற்றுவிட்டேன்.. இதனால்
நமக்கு நஷ்டம் இல்லை என்று கூறினான்.
🌺 இதைக் கேட்ட வணிகனுக்கு ஏக மகிழ்ச்சி.
🌺 அவனது சோகமனைத்தும் மறைந்து
மகிழ்ச்சி உண்டானது.
🌺 இப்போது வணிகனும் கூடியிருந்த அந்த
கூட்டத்தில் ஒருவனாக நின்று வேடிக்கை
பார்க்க தொடங்கினான்.
🌺 'அதே வீடு தான்..'
🌺 'அதே நெருப்பு தான்..'
🌺ஆனால் சில வினாடிகளுக்கு முன்
இருந்த தவிப்பும் சோகமும் இப்போது
அவனிடம் இல்லை.
🌺 சிறிது நேரத்தில் வணிகனின்
இரண்டாவது மகன் ஓடி வந்து “தந்தையே
ஏன் இப்படி கவலையில்லாமல்
சிரிக்கிறீர்கள்..? நாங்கள் விற்ற இந்த
வீட்டிற்கு முன்பணம் மட்டுமே
வாங்கியுள்ளோம். முழுத் தொகை இன்னும்
கைக்கு வரவில்லை.
🌺 வீட்டை வாங்கியவன் இப்போது மீதி
பணத்தை தருவானா என்பது சந்தேகமே..?
என்று கூறினான்.
🌺 இதைக் கேட்ட வணிகன் அதிர்ச்சி
அடைந்தான். மீண்டும் சோகத்தில்
ஆழ்ந்தான். கண்ணீரோடு மீண்டும் புலம்ப
ஆரம்பித்தான்.
🌺 'தனது உடமை எரிகிறதே' என்ற எண்ணம்
மீண்டும் அவனை வாட்டியது.
🌺 சில மணித்துளிகளுக்குப் பின்பு
வணிகனின் மூன்றாவது மகன் ஓடி
வருகிறான். “தந்தையே கவலை
வேண்டாம். இந்த வீட்டை வாங்கிய
மனிதன் மிகவும் நல்லவன் போலும்.
🌺 இந்த வீட்டை வாங்க அவன் முடிவு
செய்தபோது, வீடு தீ பிடிக்கும் என்று
உங்களுக்கும் தெரியாது எனக்கும்
தெரியாது.
🌺 ஆகையால் நான் பேசியபடி முழு
தொகையை கொடுப்பது தான் நியாயம்
என்று என்னிடம் இப்போது தான் சொல்லி
அனுப்பினான்..” என்று மகிழ்ச்சியோடு
தெரிவித்தான்.
🌺 இதைக் கேட்ட வணிகனுக்கோ ஏக
சந்தோஷம்.
🌺 கடவுளுக்கு நன்றி சொல்லி ஆடிப்பாடி
மகிழ்ந்தான். கண்ணீரும், சோகமும்
மீண்டும் காணாமல் போய்விட்டது.
🌺 மீண்டும் கூட்டத்தில் ஒருவனாக நின்று
வேடிக்கை பார்க்க தொடங்கினான்.
#இங்கு_எதுவுமே_மாறவில்லை
#அதே_வீடு #அதே_நெருப்பு #அதே_இழப்பு
இது என்னுடையது என்று நினைக்கும்போது அந்த இழப்பு உங்களை சோகத்தில் ஆழ்த்துகிறது.
இது என்னுடையதல்ல என்று நினைக்கும்போது உங்களை சோகம் தாக்குவது இல்லை.
உலகில் எதுவுமே நிரந்தரமானது இல்லை
0 Comments
*இங்கு இடம்பெறும் கருத்துக்கள் யாவும் பார்வையாளர்களின் சொந்த கருத்தாகும்
* கருத்துக்கள் பண்பட்ட வாரத்தைகளாக அமைய வேண்டுகிறேன் .
* தவறுகளை சுட்டிக்காட்டும் கருத்துக்கள் வரவேற்கப்படுகிறது
*உங்கள் கருத்துக்கள் பிறறைப் புண்படுத்தும் வகையில் இருந்தால் உடனடியாக நீக்க உரிமையாளருக்கு முழு உரிமை உண்டு. அதற்கு நாங்கள் பொறுப்பல்ல.