தினம் ஒரு கதை - மீனவர் மற்றும் அவரது மகன்

மீனவர் மற்றும் அவரது மகன்

ஒரு சிறுவன் தன் தந்தையிடம் கேட்டான்.

"அப்பா, என் வாழ்க்கையின் இலக்குகள் மற்றும் திட்டங்களைப் பற்றி அடுத்தவர்களிடம் சொல்லலாமா? சொல்வது சரியா?".

தந்தை சிறிது நேரம் யோசித்துவிட்டு கேட்டார்.

"இதை எதற்காக தெரிந்து கொள்ள வேண்டும் என்று நினைக்கிறாய்?".

பையன் பதில் சொன்னான்.

"அப்பா, எனக்கு மிகப் பெரிய கனவு இருக்கிறது, உண்மையில் அது பெரியது! என் வாழ்க்கையின் அனைத்து தளங்களிலும், என் தலைமுறை மற்றும் வாழ்க்கையின் அனைத்து அம்சங்களிலும் நான் ஒரு தாக்கத்தை ஏற்படுத்த விரும்புகிறேன். நாட்டின் மிகவும் வெற்றிகரமான தொழில்முனைவோர்களில் ஒருவராக நான் இருக்க விரும்புகிறேன். நான் உலகம் முழுவதும் பயணம் செய்ய விரும்புகிறேன். வெளிநாட்டில் சொந்தமாக விடுமுறையை கழிக்க ஒரு  வீடு வாங்க வேண்டும்".

தந்தை சிரித்துக்கொண்டே கூறினார்.

"சரி,  ஆற்றில் மீன் பிடிக்கச் செல்லலாம். சிறிது நேரத்திற்கு பிறகு, இந்த உரையாடலைத் தொடரலாம், சரியா?".

தந்தையும் மகனும் மீன்பிடி உபகரணங்களை எடுத்துக் கொண்டு மீன்பிடிக்கச் சென்றனர். ஆற்றில், தந்தை தூண்டிலில்  ஒரு மாமிச  துண்டை கொக்கியில் வைத்து, மீன்பிடி கம்பியை ஆற்றில் வீசினார். சில வினாடிகளிலேயே அவர் ஒரு பெரிய மீனைப் பிடித்தார்.

சில மணிநேரங்களுக்குப் பிறகு, அவர்கள் பிடித்த மீன்களால் அவர்களின் கூடை கிட்டத்தட்ட நிரம்பியது. தந்தை மகனிடம் திரும்பி கூறினார்.

"கூடையில் இருக்கும் இந்த மீன்களை பார். ஆற்றில் உள்ள மற்ற மீன்களை விட, இந்த மீன்களின் விதி வேறுபட்டது. இவைகள் தங்கள் வாழ்க்கையில் அனைத்தையும் இழந்து விட்டனர், தங்கள் குடும்பம், நண்பர்கள் மற்றும் வீடு. துரதிர்ஷ்டவசமாக, இவைகள் இன்று கொல்லப்படும். இவையெல்லாம் ஏன் நடந்தது தெரியுமா?".

சிறுவன் சில கணங்கள் யோசித்துவிட்டு, தலையை அசைத்து சொன்னான்.

"இல்லை, ஏன் என்று எனக்குத் தெரியவில்லை. நீங்கள் சொல்ல முடியுமா?".

தந்தை ஆழ்ந்த மூச்சை எடுத்து, பிறகு சொன்னார்:

"ஏனென்றால், இவைகளால் வாயை மூட முடியவில்லை. வாயை மூடிய மீன்கள் ஒருபோதும் பிடிபடாது. எங்கே வாயை திறக்க வேண்டும், எங்கே வாயை மூட வேண்டும் என்று இவைகளுக்கு தெரியவில்லை. எனவே பிரச்சனையில் மாட்டிக்கொண்டன."

என்று சொல்லிவிட்டு சிறுவனின் தோளில் கையை போட்டுகொண்டு தொடர்ந்தார்:

"மகனே, நிஜ வாழ்க்கையில் இதுதான் நடக்கும். நாம் வாயைத் திறந்து, வாழ்க்கையில் நமது திட்டங்களைப் பற்றியும், இலக்குகளைப் பற்றியும் மற்றவர்களிடம் கூறும்போது இதுதான் நமக்குக் கிடைக்கும். உங்கள் உணர்வுகளைக் காத்துக்கொள்ள, வெற்றிக்கான பாதையில் பயணிக்க வரவிருக்கும் திட்டங்களைப் பற்றி வாயை மூடிக்கொண்டிருக்க வேண்டும். செயல்களில் காட்ட வேண்டும்.

நீங்கள் வெற்றிபெறுவதை மக்கள் விரும்புவதில்லை. உங்கள் நெருங்கிய நண்பர்கள் மற்றும் குடும்பத்தினர் கூட உங்கள் திட்டங்களில் குறை சொல்வதை தவிர வேறு எதையும் செய்வதில்லை. நீங்கள் வெற்றியடையும் வரை உங்கள் திட்டங்களை வெளியே  அறிவிக்கவேண்டாம். இது ஒரு அறிவுரை மட்டுமல்ல. துரதிர்ஷ்டத்தைத் தவிர்ப்பதற்கும், பொறாமை கொண்டவர்களால் உங்கள் திட்டங்களை நாசமாக்குவதிலிருந்து காப்பாற்றுவதற்கும். 

நீங்கள் வெற்றியடையாமல் இருப்பதற்காக பலர் தங்களால் இயன்ற அனைத்தையும் செய்வார்கள். உங்கள் பெரிய வெற்றிக்கான நடவடிக்கையை ரகசியமாக வைத்திருங்கள். அமைதியாகச் செல்லுங்கள், நடவடிக்கை எடுங்கள் மற்றும் இறுதியில் உங்கள் பெரிய வெற்றியைக்  கொடுத்து மக்களை அதிர்ச்சிக்குள்ளாக்குங்கள்".